Janubiy Koreya chempionatida qo'llanilayotgan karantin qoidalari

Lekin bu erda ham karantin qoidalariga qattiq amal qilinyapti. Quyida K-liga o'yinlari paytida qo'llanilayotgan karantin qoidalari haqida to'xtalib o'tamiz. 

1. Stadionlarga muxlislar kiritilmayapti. Balki keyinchalik ishqibozlarga ruxsat berilishi mumkin. Jamoalardan imkon qadar ijtimoiy masofani saqlash so'ralyapti. 

2. O'yin boshlanishiga kamida uch soat qolganida stadion virusga qarshi sterilizaciya qilinishi shart. Bundan tashqari kirish darvozalari oldida turli aktibakterial jihozlar o'rnatilgan bo'lishi kerak. 

3. O'yindan oldin jamoalarning va hakamlarning bir-biri bilan qo'l berib ko'rishishiga ruxsat berilmaydi. 

4. Zaxirada o'rindig'idagi murabbiylar, futbolchilar va boshqa uchrashuv rasmiylarida tibbiy niqob bo'lishi shart. Agar qo'lqop kiyib olishgan bo'lsa yanayam yaxshi. 

5. O'yin paytida futbolchi va hakamlarning bir-biriga yaqin kelib gaplashishi taqiqlanadi. 

6. Har bir jamoadagi rasmiy shaxs o'yindan oldin koronavirus uchun test topshirishi shart. 

7. Agar test topshirish natijasida qaysidir futbolchida virus aniqlansa, u bilan birgalikda butun jamoa, shuningdek raqib jamoa ham ikki haftalik karantinga olinadi. 

8. Har ikki jamoa avtobusi o'yin bo'ladigan stadionga turli vaqtda keladi. 

9. Avtobus stadionga kelgach murabbiylar, futbolchilar, shuningdek hakamlarning ham tana harorati tekshiriladi. 

10. Har bir futbolchi uchun alohida idishda suv va sochiq beriladi. Birovning suvini boshqasi ichishi yoki sochig'idan foydalanishi mumkin emas. 

11. Maydonda tupurish va qattiq aksirishga yo'l qo'yilmaydi. 

12. O'yin paytida forma va umuman hech qanaqa kiyim almashtirish mumkin emas. 

13. Jurnalistlar o'yindan keyin intervyu olishlari mumkin, faqat buning uchun hammada niqob bo'lishi shart. SHuningdek intervyu berayotgan va intervyu olayotgan orasidagi masofa 2 metr bo'lishi kerak.