Jamshid Saidov: "G'alaba har doim yoqimli"
02 avg 23:41
Yangiliklar

Jamshid Saidov: "G'alaba har doim yoqimli"

Superliganing 14-turidan o'rin olgan "Qizilqum" - "Bunyodkor" (1:0) uchrashuvidan so'ng mezbonlar bosh murabbiyi Jamshid Saidov matbuot anjumanida ishtirok etdi.

O'yin haqida

- Ikkinchi davrani g'alaba bilan boshlaganimizdan xursandmiz. Og'ir o'yin bo'ldi. Yigitlarga xarakter uchun rahmat aytaman. Oldinda yana 12ta o'yin bor, har bir o'yinda sifatli o'yin ko'rsatib, muxlislarimizni xursand qilishga harakat qilamiz.

- Kubokda "Mashal" bilan o'yindan so'ng Siz "Qizilqum" Superliga ikkinchi davrasini Samarqanda o'tkazadi deb aytgansiz. Lekin bu jarayon amalga oshmadi, sababi nima?

- Futbolda shu kabi kutilmagan holatlar ham uchrab turadi. "Dinamo" stadionida "Surxon" uy o'yinlarini o'tkazishi malum qilindi. Nima ham derdik, tartib-qoidaga asoslangan holda futbol o'ynaymiz. Bizda Qarshidagi stadion uy o'yingohidek qadrdon bo'lib qoldi.

- O'yin davomida Ilhom Vahobovga qattiq etiroz bildirdingiz. SHuni izohini bersangiz...

- O'yin haroratida bo'ladigan jarayon bu. Biz murabbiylar shtabi bilan aniq reja asosida ishlaymiz. SHu safar o'xshamadi.

- "Bunyodkor" sizning jamoangiz uchun qulay raqib bo'lib qolayaptimi?

- O'sha statistikani men ham ko'rdim. "Bunyodkor" bu - to'g'risi, buyuk klub. Jamoa o'z nomiga, o'z maqomiga mos bo'lishi kerak.