Jamshid Saidov: "Birinchi bo'limda xatolarimiz ko'p bo'ldi"

- O'yin haqida

- Og'ir o'yin bo'ldi. Birinchi bo'limdagi ko'p xatoliklarga yo'l qo'ydik va shuning evaziga gol o'tkazib yubordik. Ikkinchi bo'limda yigitlar xarakter ko'rsatishdi va oxirigacha kurashishdi. Futbol o'zi shunaqa o'yin, qanday natija bilan tugashini taxmin qilish qiyin. Harakat qildik, hujumlar tashkil etdik va golga ham haqli edik deb o'ylayman.

- "Qizilqum" futbolchilarining jismoniy holati avvalgi mavsumlardan yaxshiroq ko'rinayapti. Buning siri nimada?

- Hech qanday siri yo'q. Jamoaviy futbol o'ynashga intilayapmiz, mashg'ulotlarda bu borada ishlayapmiz. Aniq uzatmalar futbolchining erta charchab qolishini oldini oladi.

- Murodjon Rahmatov va Islom Kenjaboevlar jamoani tark etishm haqida fikringiz qanday?

- Bu haqida avval gapirdim. Rahmatov va Kenjaboev iqtidorli futbolchilar. Ular hozir jamoamizda emas ekan, boshqa futbolchilar bilan o'rinlarini munosib to'ldirishimiz kerak.

- Legionerlar ko'rsatayotgan o'yinlar sizni qoniqtirayaptimi?

- Legionerlar bilan bog'liq muammo bizda yo'q. Barchasi o'z vazifalarini bajarish uchun astoydil harakat qilishmoqda.