Ismoilovning raqami bir shisha vino evaziga berilgan...

MTJ himoyachisini kecha bergan raddiyasidan so'ng, uning telefon raqamini "MatchTV"ga topib berishda faollik ko'rsatgan "Sports.ru" sayti blogeri Evdokim Raimov bu haqda yangi blog yozib chiqdi. Etiboringizga, u tomonidan yozilgan blogning ayrim qismlarini taqdim etamiz.

"Qiziq vaziyat, bu erda jurnalist xato qilgan yoki futbolchi o'z intervyusini tan olgisi yo'q. Sizlarga kichik hikoyamni aytib beraman".

"Mening "VKontakte" sahifamga Konstantin Belyukovdan (SS jurnalisti) xat kelib tushdi. U Anzur bilan bog'lanmoqchi bo'lganiligini aytib, uning telefon raqamini topib berishimni so'ragan edi. Bu zo'r-ku, uning raqamini izlashga tushdim. Bu borada o'zbek futbolida faoliyat olib borayotgan mutaxassislarga murojaat qildim. 29 fevral kuni menga Anzurning raqamini berishdi. Buning uchun O'zbekiston futbol federaciyasining xodimiga rahmat! Men raqam uchun unga bir shisha quruq oqdan (vino) va yana bir narsa vada qildim. SHu tariqa raqamni Konstantin Belyukovga berdim va bizning o'rtamizdagi yozishma yakuniga etdi", - deb yozadi Evdokim.

Sports.ru saytidan ko'chirma

Hikoyasida davom etar ekan, bloger shunday yozadi:
- Intervyudan keyin "Faysbuk"dagi sahifamga ikkita yoqimsiz xat kelib tushdi. Biri Ismoilovnin raqamini bergan O'FF xodimidan, ikkinchisini faqatgina ish jiddiylashsagina aytaman. Xullas men mazkur intervyu uchun aybdor bo'lib qoldim.
So'ng Aleksandr Muyjnekni (1993 yilda tavvallud topgan jurnalist. Aynan u Anzur Ismoilov bilan "suhbat" qurgan) "Faysbuk"dagi sahifasida unga xat yozib yubordim. U faqat meni o'z do'stlari safiga qo'shish bilan chegaralandi.

SHundan so'ng Evdokim o'z sahifasiga "post" qolirgan:

"Strana doljna znat svoix geroev. Avtor nesushhestvuyushhego intervyu s Anzurom Ismailovym -Aleksandr Muyjnek. CHelovek iz Sovetskogo Sporta i sayta Match TV".

Tarjimasi: - Mamlakat o'z qahramonini bilishi kerak. Anzur Ismoilov bilan to'qilgan  intervyuning muallifi - Aleksandr Muyjnek.  "SS" va "MatchTV xodimi.

U o'z xatiga javob ololmagach, mazkur postni yozgan va u erga "MatchTV"ning boshqa bir xodimi javob yozgan.

- Futbolchingiz g'alati bola ekan, siz unga ishonyapsizmi, Biz hammasini o'ylab topganimizga?

Unga javoban Evdokim Raimov muallifga xat yozgani ammo undan javob olmaganini aytgan.

Qissadan hissa shu-ki, O'FFning matbuot xizmati va futbolchining ruxsatisiz qaysidir O'FF xodimi Anzur Ismoilovning telefon raqamini, qandaydir sovg'a evaziga o'zi tanimagan kishiga berishga haqqi yo'q!

Evdokim Raimovga kelsak, u shunchaki terma jamoasi futbolchisini nufuzli saytlardan birida intervyusini chiqishini istagan, ammo voqealar rivojini bunday bo'lishini kutmagan.