Islombek Ismoilov: "Bugun 14 kishiga qarshi o'ynab ikki ochko yo'qotdik"

- Islombek aka, bugungi o'yin haqida fikrlaringiz qanday?
- Bugungi o'yin haqida nima deyish mumkin? 14 kishiga qarshi o'ynab, ikki ochko yo'qotdik. Qachongacha bunday xolatga chidash mumkin, to'g'risi hayronman.

-Statistikaga qaraydigan bo'lsak, bugun "Turon"dan ko'ra "Istiqlol" futbolchilari hakam tomonidan kartochkalar bilan ogohlantirilishdi...
- Lekin, hakamlar ko'proq bizning jamoani hujumlarini to'xtatib qo'yishdi. Raqib tomonidan ishlatilgan mayda qoidabuzarliklarga etiborlarini qaratishmadi. Uchrashuv hakami o'yinning boshidagi 30-daqiqagacha 9 marta, 11 marta raqiblarning qo'polliklarini jazolamadi. Bugungi o'yinda "Istiqlol"ning kamida ikki futbolchisiga qizil kartochka ko'rsatishi kerak edi.

Bu kabi "derbi" uchrashuvlariga hakamlar qo'mitasi tajribaliroq bo'lgan hakamlarni jalb etishi kerakdir balki. Umuman aytganda, hakam bugun o'yin nazoratini izdan chiqarib yubordi. Uchrashuv oxirida yuzaga kelgan nizoli vaziyatlarga ham aynan hakam sababchi bo'ldi.

- Vaziyatga to'g'ri qaraydigan bo'lsak, bugun "Turon" safar uchrashuvida ochko olishga erishdi. Balki bu jamoa futbolchilariga qandaydir motivaciya berar? Bundan tashqari keyingi turda musobaqa jadvalining eng so'ngi pog'onasini egallab turgan "Zomin" bilan uyda o'ynaysizlar...
- Bilmadim, bunday o'yinlar bizga motivaciya beradi deb ayta olmayman. "Zomin" bilan o'yin haqida aytadigan bo'lsam, to'g'ri uyda o'ynaymiz. Albatta, bu uchrashuvga astoydil tayyorgarlik ko'ramiz. Biz har bir o'yinda g'alaba uchun maydonga tushamiz" - deydi "Turon" bosh murabbiyi.