Islom Qobilov: "Katta ishtiyoq evaziga g'alaba qozondik"

"Mavsumning dastlabki turida ikki jamoa ham  mag'lubiyatga uchragani sabab o'yin juda shiddatli kechishi tabiiy edi. CHindan ham o'yin juda qiziqarli va murosasiz kechdi.  

O'yin avvalida bosh murabbiyimiz bahs nazoratini o'z tomonimizga olishimiz kerakligini uqtirgandi. Biz esa buni bajarishga intildik. Garchi birinchi bo'lib o'z darvozamizdan to'p olib chiqqan bo'lsak-da, o'zimizni yo'qotib qo'ymadik. Muvozanatni tiklashga erishdik. Tanaffusdan so'ng yana murabbiyimiz ko'rsatmalariga amal qildik. Amalga oshirilgan o'zgarishlar samara keltirib, g'alaba qozondik va muhim bo'lgan 3 ochkoni qo'lga kiritdik. 

Bu g'alaba murabbiyimizning ko'rsatmalari hamda yigitlarning g'alabaga bo'lgan ishtiyoqlari evaziga qo'lga kiritildi", – deya so'zini yakunladi Qobilov.