Isko Qatar yoki Turkiya klubiga o'tishi mumkin

2022 yil oxirida "Sevilya"ni tark etgan Isko ayni paytda ishsiz. Ispaniyalik futbolchi bilan muzokaralar olib borgan Bundesliganing "Union Berlin" va "Leypcig" jamoalari shartnoma tuzishgacha etib borishmadi. "Leypcig" 30 yoshli yarimhimoyachi bilan bitim tuzish orqali klubning maosh tizimini buzishni istamadi.

SHundan keyin Iskoga Angliya Premer-ligasi vakili "Everton" qiziqish bildirdi. Biroq yakunda jamoa ustozi Iskoning jismoniy imkoniyatlari Angliya chempionatiga to'g'ri kelmasligi mumkinligi borasidagi fikridan so'ng bu kelishuv ham amalga oshmaydigan bo'ldi.

Isko hozirda Turkiyaning "Konyaspor" va Qatar Yulduzlar Ligasining nomi oshkor qilinmagan jamoalaridan biridan olgan taklifini o'ylab ko'rmoqda. Nashr futbolchining Qatarga yo'l olishga xohish bildirmayotganini malum qildi. Iskoning agenti uning Evropada qolishi uchun muzokaralarni kuchaytirishi aytilmoqda.