Iroq - BAA. Prevyu

Iroq guruhda Iordaniya (1:0) va Falastinni (2:0) mag'lub etdi, Yaponiyaga (0:1) yutqazib qo'yib ikkinchi o'rinni egalladi. CHorak finalda Radhi SHenaishil shogirdlari Eronni penaltilar seriyasiga mag'lub etib yarim finalga chiqqan. Yarim finalda Iroq Janubiy Koreyaga 0:2 hisobida mag'lub bo'ldi.

BAA esa "C" guruhida Qatar (4:1) va Bahraynni (2:1) taslim qildi, Eron (0:1) yutqazib qo'ydi. CHorak finalda arablar amaldagi Osiyo chempioni Yaponiyani penaltilar seriyasida mag'lub etdi - 5:4. O'tgan bosqichda BAA musobaqa mezboni Avstraliya oldida ojiz qoldi - 0:2.

Iroy o'z tarixida sakkizinchi bor qita chempionati final bosqichida qatnashmoqda. Jamoaning musobaqadagi eng yaxshi natijasi 2007 yil qayd etilgan. O'sha yil iroqliklar qita chempioni bo'lishgandi.

BAA uchun bu yilgi musobaqa 9-Osiyo Kubogi hisoblanadi. Ushbu jamoa 1996 yil o'z uyida tashkil etgan qita chempionatida finalga qadar etib borgan.

Bu ikki jamoa o'zaro 22 marta to'qnash kelgan. Iroqning hisobida 8ta g'alaba bor, 5 o'yinda BAAning qo'li baland kelgan. Qolgan 9 uchrashuvda tomonlar durang o'ynashgan.

Ushbu jamoalar Osiyo Kubogi doirasida ikki marta o'ynashgan. Iroq hisobida ham, BAA hisobida ham bittadan g'alaba bor.

3-o'rin uchun o'yin
Iroq - BAA
30 yanvar 2015. Nyukasl. 14:00 (Toshkent vaqti)
Bosh hakam: Navaf SHukrulla (Bahrayn)
Qanot hakamlari: Yosir Tulefat (Bahrayn), Ibrohim Muborak (Bahrayn)
Zaxira hakami: Benjamin Jon Uilyams (Avstraliya)


Narzulla Saydullaev