"Imperator" "Roma"ga qaytishi mumkin

Bundan 15 kun muqaddam "Calciomerceto" nashri "Roma"ning yangi xo'jayini Den Fridkin Totti bilan muzokara o'tkazgani to'g'risida xabar tarqatgan edi. Bugun "football-italia.net" ham ushbu xabarni tasdiqladi. 43 yoshli "gladiator" jamoaga vice-prezident yoki texnik direktor sifatida qaytishi rejalashtirilmoqda. 

Malumot o'rnida, Franchesko Totti butun futbolchilik faoliyatini "Roma"ga bag'ishlagan. 2017 yil butsalarini mixga ilgach, klub rahbariyatida ishladi. Biroq, 2019 yil rimliklarning o'sha vaqtdagi prezidenti Jim Palotta bilan yuzaga kelgan muammolar tufayli lavozimini tark etishga qaror qilgan edi.