Ilhom Hamroev: “Biz xalqaro maydonda ham medallar uchun kurasha olamiz”

“Jizzax-Kenteks” o'z tarixida ilk marotaba g'oliblikni qo'lga kiritdi. Bunda jamoaning etakchi futzalchisi Ilhom Hamroevning ham hissasi katta bo'ldi. U bilan mavsum yakunlari bo'yicha fikrlariga quloq tutdik. 

“CHempionlikga osonlikcha erishganimiz yo'q. Jamoaviy hamjihatlik va o'zimizga bo'lgan katta ishonch orqali erishildi. Albatta, mavsum boshida yo'qotishlar bo'ldi. SHunday paytda o'zimizga bo'lgan katta ishonch sabab barchasini o'zgartira oldik. SHunday paytlarda qiyin bellashuvlarda maqsadimiz sari intildik. Faqat oldinga qarab harakat qilganimiz o'z samarasini berdi. Fursatdan foydalanib, jamoamiz rahbariyati va bosh murabbiyi Bahodir aka Ahmedovsha kattakon rahmat aytamiz. Ularga minnatdorchilik bildiramiz. 

O'ylashimcha, mavsum davomida “Lokomotiv” va AGMK bilan bo'lgan bellashuvlarda qiyinchilikga duch keldik. Ikkisi ham biz kabi chempionlik uchun kurashdi. Mana shu bellashuvlarda jamoamiz qiyin g'alabaga erishdi. 

Biz o'z yo'limizda davom etsak, maqsadlarimizni yanada katta olib,  ko'proq o'z ustimizda ishlashda davom etsak, xalqaro musobaqalarda ham jamoamiz medallar uchun kurasha oladi. Buning uchun bizda barchasi mavjud. Asosiysi, to'xtab qolmaslik lozim.