Igor Remnyov: "Tezkor gol o'yinimizga salbiy tasir qildi"

- Ochig'i, bugun o'yinda tezkor gol o'tkazib yuborishimizni kutmagandik, - dedi dinamochilar murabbiyi. - Butun uchrashuv davomida har ikki jamoa azolari ham ochiq futbol guvohi bo'ldilar. O'z maydonimizdagi mag'lubiyatdan so'ng, jamoamizni g'alabaga ruhlantirgandik. Biroq tezkor gol o'yinchilarimizga salbiy tasir qildi.

Stadion har tomonlama zamonaviy va chiroyli barpo etilgan. Bunday stadionlarning ko'payishi faqat futbolimiz taraqqiyotiga xizmat qiladi, deb bilaman. To'g'ri, bugun maydonning sifati u qadar maqtaydigan darajada emas edi. SHunga qaramay, har ikki jamoa ham shiddatli o'yin namoyish etishga intildi.

Mezbonlar tarkibida Ruslan Vagapov hujumlarni tashkil etishdagi faolligi bilan ajralib turganligini takidlashni istardim.

Bizni qo'llab-quvvatlash uchun uzoq yo'l bosib kelgan yuzlab muxlislarimizga minnatdorchilik bildiraman. Keyingi o'yinlarda ularni o'z g'alabalarimiz bilan quvontirishga harakat qilamiz, albatta.