Ibragimovich "Milan" bilan sovrin qo'lga kiritsa, faoliyatini yakunlashi mumkin

La Gazzetta dello Sport xabariga ko'ra, 40 yoshli mutaxassis ushbu mavsumda "Milan" bilan A Seriya yoki Italiya kubogida g'olib chiqsa, faoliyatini yakunlashshga qaror qilishi mumkin. Ibragimovichning bu fikriga SHveciya terma jamoasining JCH-2022ga chiqolmagani sabab bo'lgan.

SHveciyalik futbolchining amaldagi shartnomasi yozda yakunlanadi va uni uzaytirish bo'yicha muzokaralar hali boshlanmagan. Yiliga 7 million evro maosh bilan u milanliklarning eng ko'p maosh oluvchi futbolchilaridan biri hisoblanadi.

Agarda Zlatan faoliyatini yakunlasa, katta ehtimol bilan klubda ish faoliyatini boshlaydi. U Stefano Pioli boshchiligidagi murabbiylar shtabiga kiritilishi mumkin. Agar hujumchi yana bir mavsum jamoada qolishga qaror qilsa, milanliklar unga maoshi kamaytirilgan shartnoma taklif qiladi va yozda markaziy hujumchi bilan shartnoma imzolashga harakat qiladi.

Joriy mavsumda Ibrahimovich "Milan" safida barcha turnirlarda 23 ta o'yinda maydonga tushib, 8 ta gol urdi va 2 ta golli uzatmani amalga oshirdi.