Harri Keyn: "Biz butun o'yin davomida ustunlik qildik"

Angliyalik futbolchi "Bavariya" deyarli butun o'yin davomida to'liq ustunlik qilganini takidladi.

"Biz o'yinni nazorat qildik, raqib jiddiy muammo tug'dirmadi. G'alaba qozonganimiz muhim, ammo hujumlarning yakuniy bosqichlarida bizga biroz ishonch etishmadi. Imkoniyatlar ko'p edi, lekin ikkinchi yoki uchinchi golni urishga qiynaldik".

SHuningdek, u tig'iz taqvimda jamoa o'ziga ishongan holda to'p tepganini aytdi.

"Qisqa vaqt ichida juda ko'p o'yin o'tkazdik, shunda ham ustunlik qilganimiz juda yoqimli bo'ldi".

Qo'shimchasiga Keyn Jamol Musialani o'yindagi yagona goli uchun maqtadi.

"Musiala kerakli joyda paydo bo'lib, haqli ravishda to'p kiritdi. Bu uning mehnatlarining natijasi".