"Hakamlar biz kabi jamoalarga adolat qilmaydigan bo'lsa, o'zbek futboli o'ladi" - Superliga murabbiylaridan 8-tur iqtiboslari

Superliganing 8-turidan o'rin olgan uchrashuvlardan so'ng tashkil etilgan matbuot anjumanlarida jamoalarning bosh murabbiylari tomonidan yanragan fikrlarni yana bir bor yodga olib o'tamiz. 

 —  Klub siyosati sabab biz legioner futbolchi jalb etmaymiz. Mahalliy futbolchilarni jalb etishimiz, yoshlarni tarbiyalashimiz kerak. (s) Luisma Ernandes "Metallurg" bosh murabbiyi

— O'tgan mavsum osmonda edik, bu yil pastga tushib qoldik. Jamoa tarkibi yangidan shakllantirildi. Yaxshi futbolchini jamoaga olib kelish qiyin, lekin "Neftchi"ni ko'taraman deb kelgan va jon kuydirib o'ynayotgan futbolchilarga minnatdorchilik bildiraman. (s) Ilhom Mo'minjonov "Neftchi" bosh murabbiyi.

— O'ylashimcha, raqib feyr-pleyga amal qilmadi. Bilmadim, ular sportni qanday tasavvur qilishadi. Sportda raqibga hurmat bo'lishi kerak. Raqib esa bir necha bor sportga noloyiq harakatlarni amalga oshirdi. (s) Predrag Rogan "Dinamo" bosh murabbiyi.

— Bunday mag'lubiyatni qabul qilish oson emas. SHaxsan men uchun og'ir zarba. Ochig'i mag'lubiyatga loyiq o'yin ko'rsatmadik. So'nggi daqiqalarda esa koncentraciyani yo'qotdik. (s) Denis Korostichenko "Lokomotiv" bosh murabbiyi.

— "Surxon" bilan o'yindan so'ng rahbariyatdan istefo so'radim, ammo ular bu noto'g'ri yo'l ekani aytishdi. Ularning ishonchi menga qo'shimcha kuch bag'ishladi. CHunki o'zim qo'qonlikman, ko'chaga chiqib, boshni ko'tarib yurish ham zarur.  Muxlislarga ham rahmat aytaman. (s) Baxtiyor Ashurmatov "Qo'qon-1912" bosh murabbiyi.

— Bilasizmi, bunaqasi oxirgi 3-4 turdan buyon kuzatilmoqda. Ehtimol, "So'g'diyona" kimdirga xalaqit qilyaptimi, to'g'risi, bu nima bilan bog'liq ekanligini bilmayman. Balki Jizzax shahri yoki jizzaxlik muxlislar boshqa davlatdanmi? (s) Ulug'bek Baqoev "So'g'diyona" bosh murabbiyi.

— Agarda hakamlar biz kabi jamoalarga adolat qilmaydigan bo'lsa, o'zbek futboli o'ladi. Bu esa juda va juda yomon. Men chet ellik inson sifatida sizning mamlakatingizni va barcha qadriyatlaringizni hurmat qilaman. (s) Anxel Lopes "Surxon" bosh murabbiyi.