Hafta qahramoni - Bas Dost

Ushbu sahifa orqali o'tgan haftaning eng yaxshi futbolchisi haqida qisqasa malumot berilib boriladi.



Birinchi qahramon sifatida Germaniyaning "Volfsburg" hujumchisi Bas Dostni tanladik. Ushbu hujumchi "bo'rilar" safida bundesliganing ikkinchi davrasidan boshlab asosiy hujumchi sifatida o'ynay boshladi. Ivica Olichning jamoadan ketishi gollandiyalik "snayper"ga yo'l ochdi desak mubolag'a bo'lmaydi. "Volfsburg" bosh murabbiyi Diter Xekking Olich jamoadan ketishi bilanoq Bas Dostga asosiy tarkibdan joy ajratdi. Bu imkoniyatni esa Dost ko'kka sovurgani yo'q. Ushbu mavsumda Bas Dost "bo'rilar" safida 10 ta bellashuvda maydonga tushib, raqiblar darvozasiga 9 marotaba yo'l topdi.



Avvaliga bundesliganing ikkinchi davradagi ilk o'yinida "Bavariya" darvozasini ikki bor "o'qqa" tutib, jamoasining muhim va yirik g'alabasiga zamin yaratgan edi. Keyinchalik "Xoffenxaym" bilan bo'lgan o'yinda gol va golli pasni o'z hisobiga yozdirib qo'ygandi. O'tgan haftada yana bir markaziy bellashuv "Bayer"ga qarshi o'yinda Bas Dost fantastik o'yin namoyish etib, Leno qo'riqlaydigan darvozaga to'rt bor to'p yo'lladi va jamoasiga muhim uch ochkoni taqdim etdi. O'tgan haftaning eng yaxshi futbolchisi bu "Bayer" bilan o'yinda poker qayd etgan Bas Dost bo'ldi desak yanglishmaymiz.



Bas Dost haqida qisqacha malumot:

Tug'ilgan yili: 1989 yil, 31 may.
Fuqoroligi: Gollandiya
Bo'yi: 192
Og'irligi: 78 kg
Amplua: Hujumchi
Klubi: "Volfsburg"

Faoliyati:
1994-2001 "Germanikyus" yoshlar jamoasida.
2001-2007 "Emmen" yoshlar klubi.

Professional faoliyati:
2007-2008 "Emmen" (Gollandiya) (23 o'yin, 6 gol)
2008-2010 "Xerakles" (Gollandiya) (61 o'yin, 17 gol)
2010-2012 "Xerenven" (Gollandiya) (66 o'yin, 45 gol)
2012-... "Volfsburg" (Germaniya) (51 o'yin, 21 gol)

SHahboz Beg'amov tayyorladi.