Gvardiola: "Revansh olmoqchi emasmiz"

Ushbu jamoalar ketma-ket ikkinchi yil CHempionlar ligasi yarim finalida to'qnash kelishmoqda. 2022 yilda Ispaniya klubi final yo'llanmasini qo'lga kiritgan edi.

"O'tgan mavsum bu erga finalga chiqish umidida kelgandik. Ikkala o'yinda ham yaxshi harakat qildik, ammo bu etarli bo'lmadi.

Biroq bo'ladigan ish bo'ldi. Revansh olmoqchi emasmiz. Bu shunchaki yana bir imkoniyat.

Bir kuni o'z maqsadimizga erishamiz.

O'tgan mavsum omadimiz kelmadi, chunki bu turnirda nima qilish kerakligini biladigan "Real"ga to'qnash kelgandik. Ammo top jamoalar bilan qancha ko'p o'ynasang, sovringa shuncha yaqin bo'lasan" - deydi Gvardiola.