Gvardiola: “APLda g'olib bo'lish qanchalar qiyinligini tushunish uchun yutqazishimiz shart emas edi”

“Yaxshi o'yin bo'ldi. Har xil yo'nalishlar, ayniqsa, chap qanotdan hujum qildik. CHuqur himoyalangan jamoaga qarshi o'ynash qiyin bo'ldi.

“Tottenxem”da mahoratli futbolchilar bor. Ular to'pni Xarri Keynga uzatishdi va hujumda juda zo'r o'ynashdi.

1-taymda ular gol urishdi va boshqa vaziyatlar bo'lmadi. 2-taym boshida esa ular bitta hujum uyushtirishdi va Xarri Keyn darvozani ishg'ol etdi. Biz esa javob qaytarishga harakat qildik, ammo qo'shib berilgan vaqtda gol o'tkazib yubordik.

Bizda gol urish uchun imkoniyatlar bo'ldi, ammo afsuski ulardan foydalana olmadik. Raqiblar realizaciya bo'yicha yaxshi. Ularda Keyn, Son va Kulusevski bor. Ularning uzatmalariga qarshi turolmadik.

APLda g'olib bo'lish qanchalik qiyinligini tushunish uchun yutqazishimiz shart emas edi. Oldinda hal ko'p uchrashuvlar kutib turibdi”, deydi ispaniyalik.