G'ulomhaydar G'ulomov: “Jamoada familiyalar rol o'ynamaydi”

Ushbu bahs oldidan “Mashal” klubi futbolchisi G'ulomhaydar G'ulomov o'z fikrlarini bildirdi.

“Har bir uchrashuvga jiddiy tayyorgarlik ko'rib kelganmiz va bu biz uchun odat bo'lib qolgan. “Buxoro” jamoasini safarda mag'lubiyatga uchratgandik. O'shanda muxlislar juda ham shiddatli bahs guvohi bo'lishgandi. O'sha o'yinda omad bizga kulib boqqandi. Bizning o'yin uslubimiz himoyaviy bo'lgani uchun to'pni “Buxoro” jamoasi futbolchilari ko'proq nazorat qilishgandi. Lekin biz qarshi hujumda yagona golni urib g'alabani ilib ketgandik. Maqsadimiz ham shu edi. Ikkinchi davrada “Paxtakor” va “Bunyodkor” jamoalari bilan bo'lgan uchrashuvda durang natija qayd etib raqiblarimizni muhim ochkolardan mahrum qilgandik. “Lokomotiv” klubini kubok bahsida javob uchrashuvida mag'lubiyatga uchratgandik. Jamoada familiyalar rol o'ynamaydi. To'p yumaloq maydon tekis. Qaysi jamoa o'yinga to'g'ri tayyorgarlik ko'rgan bo'lsa o'sha jamoa g'alaba qozonadi. Bir so'z bilan aytganda qiziqarli bahs bo'ladi”, - deydi “Mashal” klubi futbolchisi G'ulomhaydar G'ulomov.

Jahongir Sotvoldiev