“G'ijduvon” ham mashg'ulotlarni boshladi

Dastlabki o'quv-yig'in mashg'ulotlari davomida “Qizilqum” (0:2) va “Mashal” (1:1) jamoalariga qarshi sinov-nazorat o'yinlari bo'lib o'tdi.

31 yanvar kunidan boshlab Bahodir SHaymardonov shogirdlari Toshkentda navbatdagi o'quv-yig'in mashg'ulotlarini boshlaydi. Poytaxtdagi yig'in davomida 3ta nazorat uchrashuvi o'tkaziladi. 2 fevral kuni “Surxon”, 4 fevral kuni “Lokomotiv-BFK” va 5 fevral kuni “Yangier” bilan bo'lib o'tishi rejalashtirilgan. 

O'tgan mavsum yakuniga etganidan so'ng jamoani  9 nafar futbolchi tark etgan. Xususan, Javohir Komilov, Maqsud Mahmudov, Durbek Kamolov, Abbos Ikromov, Bekzod Fayziev, SHerzod Kodirov, Nodir Yuldoshev, Asilbek Mirzayorov, Diyor Ashurovlar “G'ijduvon” bilan xayrlashgan. 

Akrom Bahriddinov, Akrom Bahromov va SHahzod Beshimov taklif etilgan. Poytaxtdagi yig'in davomida ham bir nechta futbolchilar taklif qilinadi.