G'ayrat Jo'raev: “Muxlislarimizga quvonch ulashishga harakat qilamiz”

Ayni paytda har ikki jamoa uchun ham ochko olish muhim sanaladi. Aynan shu jihat bahsni keskin kurashlar ostida o'tishiga zamin yaratmoqda. Uchrashuvdan oldin “Navbahor” jamoasi yarim himoyachisi G'ayrat Jo'raevning fikrlari bilan qiziqdik: - Qo'qondagi uchrashuvni murosasiz ruhda o'tishi aniq. Jamoalarning musobaqa jadvalida egallab turgan o'rinlari shundan darak bermoqda. Bugungi uchrashuvda “Qo'qon-1912” jamoasiga ham, bizga ham uch ochko muhim. Safardagi uchrashuvda bizga oson bo'lmasligi aniq. Jamoadoshlarim bilan birgalikda o'yinga munosib tarzda hozirlik ko'rishga harakat qildik. Maqsadimiz, Qo'qonda ijobiy natijani qayd etishdan iborat. Oldingi o'yinlardagi omadsizlik o'rnini aynan bugun to'ldirib, muxlislarimizga quvon ulashamiz degan umiddaman.