Futzal. Vetnam-2014. O'zbekiston Yaponiyani mag'lub etdi

"D" guruhi, 2-tur
O'zbekiston - Yaponiya 2:1
Gollar: Andrey SHlema 10, Artur Yunusov 40 - Nishitani Riosuke 9

O'zbekiston: (boshlang'ich tarkib) 1.Rustam Umarov, 2.Umid Xolmatov, 4.SHuhrat Tojiboev, 8.Farxod Abdumavlonov, 11.Artur Yunusov .

Zaxiradan o'yinga qo'shiladiganlar: 5.Maqsud Fayzullaev, 6.Davron Abdurahmonov, 7.Dilshod Raxmatov, 9.Andrey SHlema, 13.Davron CHoriev, 14.Azam Saidaxmatov, 12.Klim Tyugaev, 15.Jasur Sodiqov.

Yaponiya: (boshlang'ich tarkib) Kavahara Hisamitsu, Akira Minamoto, Nibuya Kazuhiro, Hoshi SHota, Nishitani Riosuke.

Zaxiradan o'yinga qo'shiladiganlar: Nakamura Yusuke, Uchimura SHunta, Osodo Nobuya, Takita Manabu, Kaoro, Vatanabe Tomoaki, Yoshikava Tomoki.

Ogohlantirishlar: Jasur Sodiqov 4, Artur Yunusov 36, Klim Tyugaev 40, Azam Saidaxmatov 40.


Matnli translyaciya

Uchrashuv yakunlandi, shunday qilib O'zbekiston amaldagi Osiyo chempionini taslim qildi.

40' Goooooollllll, Artur Yunusov jamoamizni oldinga olib chiqdi.

24' O'yin tempi biroz tushdi, parketda teng kurash kechmoqda.

21' Umarov darvozasi oldida xavfli vaziyat yuzaga keldi.

Ikkinchi bo'lim boshlandi.

Birinchi bo'lim o'z nihoyasiga etdi.

16' Ehhh, Dilshod Raxmatovning bosh bilan bergan zarbasidan keyin to'p biroz yuqoridan o'tib ketdi.

14' Aynan shu daqiqada hisobda oldinga chiqib olishimiz mumkin edi, ammo himoyachi Artur Yunusovga to'p kiritishga imkon bermadi.


Majmuaga tashrif buyurgan ishqibozlar

O'tkazib yuborilgan to'pdan so'ng terma jamoamiz darhol hujumga o'tdi. Dilshod Raxmatovning pasidan keyin SHlema ikkinchi urinishda nishonni aniq oldi.

10' Gooooolllll!! Andrey SHlema hisobni tenglashtirmoqda, 1:1.

9' Gol, Nishitani Riosuke o'yinda hisobni ochmoqda.

6' Jamoamiz chiroyli hujum tashkil etishdi, lekin Abdumavlonovning to'p uzutishini darvozaga to'g'rilab yuboradigan o'yinchi topilmadi.

5' Rustam Umarov juda ham xavfli zarbani bartaraf etdi.

4' Yaponlar faolroq harakat qilishmoqda, biznikilar esa hozircha himoyalanishmoqda.

1' Darvozamiz oldida juda ham xavfli vaziyat, to'p Rustam Umarov qo'riqlayotgan darvozaning ustuniga tegdi.

1' Uchrashuvdagi dastlabki zarbani vakillarimiz berishdi, to'p biroz noaniq ketdi.

Demak, O'zbekiston-Yaponiya baxsi boshlandi.

Qizig'i shundaki AFC rasmiy sayti bergan malumotga ishonadigan bo'lsak, Bahodir Ahmedov Yaponiyaga qarshi birinchi beshtalikda ikkita darvozabonni tushiradi. Bu shunchaki tushunmovchilikmi yoki chindan ham shundaymi aniqlashga harakat qilib ko'ramiz.



Hozirgina terma jamoa bilan Xo SHi Minga ketgan O'zbekiston futbol federaciyasi matbuot bo'limi xodimi Baxtiyor Mametovning bizga malum qilishicha, O'zbekiston terma jamoasi tarkibida birinchi beshtalikda darvozabonlardan faqat Rustam Umarov tushadi. Yuqoridagi vaziyatga esa AFC rasmiy saytida texnik xato deb qaraymiz.
Bugungi o'yinning protokolini o'zingiz ko'rishingiz mumkin, hammasi joyida va ortiqcha ehtirosga berilish shart emas.

"D" guruhi

Jamoalar	O'	YU	D	M	UG	O'G	TN	O
Qirg'iziston	2	1	1	0	6	3	3	4
O'zbekiston	2	1	1	0	4	3	1	4
Yaponiya	2	1	0	1	13	2	11	3
Janubiy Koreya	2	0	0	2	1	16	-15	0