Futzal. U-20 Osiyo chempionati. Bugun vakillarimiz chorak final o'yinini o'tkazishadi
22 may 2017 12:26
Yangiliklar

Futzal. U-20 Osiyo chempionati. Bugun vakillarimiz chorak final o'yinini o'tkazishadi

Teglar : U-20 Osiyo chempionati O'zbekiston U-20

Tailandda futzal bo'yicha tarixda ilk marotaba o'tkazilayotgan U-20 Osiyo chempionati davom etmoqda.

Bugun musobaqaning chorak final o'yinlari bo'lib o'tadi. O'zbekiston U-20 terma jamoasi "C" guruhida Livan, Gongkong, Myanma va Qatar yoshlarini ortda qoldirgan holda birinchi o'rin bilan 1/4 finalga yo'l olgan. Guruhimizda Livan U-20 terma jamoasi ham biz kabi 10 ochko to'pladi, lekin to'plar nisbati bizda yaxshiroq bo'lgani uchun livanliklar ikkinchi bo'lishdi.

CHorak finalda O'zbekiston U-20 terma jamoasi Mo'g'ulistonga qarshi kurash olib boradi. Uchrashuv Toshkent vaqti bilan 17:00da boshlanadi.

U-20 Osiyo chempionati
CHorak final, 22.05.2017

14:00. Indoneziya U-20 - Tailand U-20
"Bangkok Arena"

14:00. Eron U-20 - Livan U-20
"Hua Mark Indoor Stadium"

17:00. Iroq U-20 - Yaponiya U-20
"Bangkok Arena"

17:00. O'zbekiston U-20 - Mo'g'uliston U-20
"Hua Mark Indoor Stadium"

Xose Mariya Pazos Mendez shogirdlari bugun mo'g'ullarni mag'lub etishsa, yarim finalda Iroq va Yaponiya yoshlari juftligi g'olibiga qarshi kurash olib borishadi.

Eslatib o'tamiz, ushbu musobaqaning g'olibi va finalchisi 2018 yili o'tkaziladigan yoshlar o'rtasidagi (U-18) Olimpiya o'yinlari futzal musobaqasiga yo'llanma oladi.