Futzal. Futbol bo'yicha Evropa chempionlari ishtirok etgan ilk jahon chempionati haqida hikoya qilamiz
03 avg 2024 05:20
Yangiliklar
Futzal. Futbol bo'yicha Evropa chempionlari ishtirok etgan ilk jahon chempionati haqida hikoya qilamiz
Futzal bo'yicha birinchi jahon chempionatiga 1989 yilning 5–15 yanvar kunlari Niderlandiya mezbonlik qildi.
Turnirda ishtirok etish uchun Evropadan 6 ta, Janubiy Amerikadan 3 ta, SHimoliy Amerika, Afrika va Osiyodan 2 ta va Okeaniyadan 1 ta, jami 16 mamlakat taklif etilgan.
O'sha yili Niderlandiya futbol associaciyasi o'zining yuz yilligini ham nishonlagan, shu sababli ham musobaqa ikki hissa bayramona ruhda o'tgan.
Musobaqa chempioni Braziliya birinchi bosqichni Vengriyadan uchralgan mag'lubiyat (2:3) bilan boshlagan bo'lsa-da, keyinchalik ikkinchi bosqichga yo'l olib, yakunda oltin medallarni o'ziniki qiladi.
Braziliyaliklar hal qiluvchi bahsda to'rt mingdan ortiq tomoshabin qarshisida mezbon Niderlandiya terma jamoasini kichik hisobda mag'lubiyatga uchratdi. Uchinchi o'rin esa AQSHga nasib etdi.
Futzal musobaqasida bir qator professional futbolchilar ham ishtirok etgan. Ulardan eng mashhuri 1992 yil futbol bo'yicha Evropa chempioniga aylangan daniyalik Brian Laudrup edi. Laudrup birinchi bosqichning uchta o'yinida o'z hisobiga to'rtta gol yozdirib qo'ydi, biroq u va yashil maydonda qita chempionligini qo'lga kiritgan bir nechta sherigining say-harakatlari ham jamoasiga yordam bera olmadi.
"Turnir juda qiziqarli bo'ldi, chunki bu erda ko'plab texnik mahorat, ajoyib qobiliyat va turli mamlakatlarni ko'rishingiz mumkin edi. Biz texnik jihat bilan maqtana olmasdik. Bizni har doim jismoniy, taktik jihatdan yaxshi deb bilishgan, ammo ushbu musobaqadan so'ng ko'pchilik daniyalik o'yinchilarning texnik jihatdan ham qobiliyatli ekanligiga guvoh bo'lishdi", deya turnir haqida taassurotlari bilan o'rtoqlashdi Laudrup.
1-bosqich
"A" guruhi
| Jamoa | O'yin | G'alaba | Durang | Mag'lubiyat | To'plar nisbati | Ochko |
|---|---|---|---|---|---|---|
| Niderlandiya | 3 | 2 | 1 | 0 | 10-5 | 5* |
| Paragvay | 3 | 1 | 2 | 0 | 9-4 | 4 |
| Daniya | 3 | 1 | 1 | 1 | 12-10 | 3 |
| Jazoir | 3 | 0 | 0 | 3 | 5-17 | 0 |
* Avvallari g'alaba uchun 2 ochko taqdim etilgan.
"B" guruhi
| Jamoa | O'yin | G'alaba | Durang | Mag'lubiyat | To'plar nisbati | Ochko |
|---|---|---|---|---|---|---|
| Braziliya | 3 | 2 | 0 | 1 | 14-4 | 4 |
| Vengriya | 3 | 2 | 0 | 1 | 17-9 | 4 |
| Ispaniya | 3 | 2 | 0 | 1 | 14-9 | 4 |
| Saudiya Arabistoni | 3 | 0 | 0 | 3 | 4-27 | 0 |
"C" guruhi
| Jamoa | O'yin | G'alaba | Durang | Mag'lubiyat | To'plar nisbati | Ochko |
|---|---|---|---|---|---|---|
| Belgiya | 3 | 3 | 0 | 0 | 8-1 | 6 |
| Argentina | 3 | 2 | 0 | 1 | 6-5 | 4 |
| Kanada | 3 | 1 | 0 | 2 | 7-7 | 2 |
| Yaponiya | 3 | 0 | 0 | 3 | 3-11 | 0 |
"D" guruhi
| Jamoa | O'yin | G'alaba | Durang | Mag'lubiyat | To'plar nisbati | Ochko |
|---|---|---|---|---|---|---|
| AQSH | 3 | 2 | 1 | 0 | 10-3 | 5 |
| Italiya | 3 | 2 | 0 | 1 | 12-6 | 4 |
| Avstraliya | 3 | 1 | 1 | 1 | 6-8 | 3 |
| Zimbabve | 3 | 0 | 0 | 3 | 3-14 | 0 |
2-bosqich
"A" guruhi
| Jamoa | O'yin | G'alaba | Durang | Mag'lubiyat | To'plar nisbati | Ochko |
|---|---|---|---|---|---|---|
| Belgiya | 3 | 2 | 1 | 0 | 9-4 | 5 |
| Niderlandiya | 3 | 1 | 1 | 1 | 8-6 | 3 |
| Vengriya | 3 | 0 | 2 | 1 | 6-8 | 2 |
| Italiya | 3 | 1 | 0 | 2 | 5-10 | 2 |
"B" guruhi
| Jamoa | O'yin | G'alaba | Durang | Mag'lubiyat | To'plar nisbati | Ochko |
|---|---|---|---|---|---|---|
| AQSH | 3 | 3 | 0 | 0 | 10-4 | 6 |
| Braziliya | 3 | 2 | 0 | 1 | 14-9 | 4 |
| Paragvay | 3 | 1 | 0 | 2 | 5-10 | 2 |
| Argentina | 3 | 0 | 0 | 3 | 7-13 | 0 |
Yarim final
Belgiya — Braziliya 3:3 (pen. 3:5)
AQSH — Niderlandiya 1:2
3-o'rin uchun
Belgiya — AQSH 2:3 (qo'shimcha vaqt)
Final
Braziliya — Niderlandiya 2:1
Mezbon mamlakat: Niderlandiya
Turnir o'tkazilgan shaharlar: 5 (Amsterdam, Arnem, Leuvarden, Xertogenbosa va Rotterdam)
Turnir o'tkazilgan sana: 5–15 yanvar, 1989 yil
Ishtirokchilar: 16 (6 qitadan)
Muxlislar tashrifi: 86500 (har o'yinga 2163)
Urilgan gollar: 221 (har o'yinga 5.53ta gol)
To'purar: Laslo Cadani (Vengriya, 7ta gol)
Eng yaxshi o'yinchi: Viktor Xermans (Niderlandiya)
"Fair-Play" sovrini: AQSH
Oqil Abdubarnoev tayyorladi.
O’xshash yangiliklar
championat.asia
Суперлига. Олмалиқда дарвозаларга 4 та гол урилган ўйинда ғолиб аниқланмади
Суперлига. "Пахтакор" Навоийдан йирик ҳисобдаги ғалаба билан қайтмоқда
Суперлига. Пенальти қайта тепилган, гол ҳисобланмаган ва қизил карточка бекор қилинган ўйинда "Навбаҳор" "Бунёдкор"ни мағлуб этди
Ла Лига. "Атлетико"дан йирик ғалаба, "Реал" тўққиз киши бўлиб қолган "Севилья"ни мағлуб этди, "Барселона" эса ўз уйида "Вильярреал"га мағлуб бўлди
Fikrlar