Fors Ko'rfazi kubogi. Saudiya Arabistoni durang bilan boshladi

Musobaqa mezboni Saudiya Arabistoni terma jamoasi ilk uchrashuvni Qatarga qarshi o'tkazdi. Uchrashuvdagi hisob maydon egalari vakili Fahad Al Muvallad tomonidan 37-daqiqada ochildi. Bu vaziyatda unga Nosir Al SHamroni to'pni etkazib bergandi.

Ikkinchi bo'lim boshida Hasan Al Haydosning to'p uzatishidan so'ng Ibrohim Abdulmajid hisobni tenglashtirdi - 1:1. O'yinda boshqa gol urilmadi.

Guruhning ikkinchi uchrashuvida ham durang qayd etildi. Faqat Yaman va Bahrayn umuman gol ura olishmadi - 0:0.

2-turda Yaman Qatar bilan, Saudiya Arabistoni Bahrayn bilan o'ynaydi.

Saudiya Arabistoni - Qatar 1:1
Gollar: Fahad Al Muvallad 37 - Ibrohim Abdulmajid 53.
Saudiya Arabistoni: Volid Ali, Said Al Muvallad, Osama Havsavi, Abdullo Al Dossari (Navaf Al Obid, 71), Omat Otman, Salman Al Farj, ABdulmalik Al Xaibri, Saud Xariri, Nosir Al SHamroni, Taysir Al Jassim (Mustafo Al Abbos, 87), Fahad Al Muvallad (Salim Al Davsari, 80).

Yaman - Bahrayn 0:0


Bugun "B" guruhida dastlabki tur o'yinlari bo'lib o'tadi.

BAA - Ummon
Iroq - Quvayt