Firdavs Abdusalimov: "Ertaga maydonda haqiqiy jang guvohiga aylanamiz"

Bo'lajak uchrashuv haqida

- "So'g'diyona" hozirda O'zbekistonning eng kuchli jamoalaridan biri hisoblanadi. Ularni hurmat qilamiz, lekin raqibdan cho'chib, himoyaga yotib olish haqida o'ylaganimiz yo'q. Ertaga maydonda haqiqiy jang guvohiga aylanamiz. Biz qo'limizdan kelgancha harakat qilamiz.

- "Dinamo" va "SHerdor" kabi klublardagi faoliyatingiz orqali futbol ishqibozlariga tanishsiz. Tojikiston klubiga yo'l olishingiz qay tariqa yuz berdi?

- O'tgan yili birinchi davradan so'ng "Xo'jand" Bekobodda "Metallurg"ga qarshi o'rtoqlik uchrashuvi o'tkazdi. O'sha bahsda meni sinovdan o'tkazishlarini aytishdi, uchrashuvdan keyin esa jamoada olib qolishdi, o'shandan beri "Xo'jand" tarkibida to'p tepaman.

- O'zbekiston va Tojikiston chempionatlari qaysi jihatlari bilan bir-biridan farq qiladi?

- O'zbekistonda ko'proq texnik va taktik o'yinga etibor beriladi, Tojikistonda esa jismoniy jihatlar asosiy o'rinda turadi", dedi o'zbekistonlik futbolchi.