FIFA.UZ: Eng muhim savollarga javoblar

Ko'pchilik shu maqola orqali saytda jamoa tuzishni o'rganib oldi. Biroq shundan keyin ham ko'pchilikda savollar paydo bo'ldi. Quyida ushbu savollarga javoblarni keltiramiz.

Qo'qon 1912 & CA: "Dedlayn" nima tushuntirvorilar iltimos.

Javob:  “Dedlayn” – navbatdagi turning ilk uchrashuvi boshlanishiga qadar qolgan malum vaqt (masalan 1 soat yoki undan ko'proq). “Dedlayn”dan keyin amalga oshirilgan har qanday o'zgarish, faqat keyingi turdan boshlab inobatga olinadi.
 
Jamoadagi barcha o'zgarishlar (transferlar, sardorni tanlash, zaxiradagilarning ketma-ketlikni tanlash, transferlar) “dedlayn”ga qadar amalga oshirib bo'linishi lozim.

Pheonix_27: Bitta profil bilan 2ta musobaqada ishtirok etsa bo'ladimi?

Javob: Bitta profil bilan turli chempionatlarda jamoa tuzsa bo'ladi. Masalan ayni paytda bitta profil bilan Oliy liga, OCHL, ECHL, Angliya, Italiya, Ispaniya, Germaniya, Rossiya, Franciya kabi chempionatlarda jami 9ta jamoa tuzishingiz mumkin.

Dilshod Muratov: Nima uchun fishkalar jamoa tuzishdan oldin ko'rinmaydi?

Javob: Tizim shunday tuzilgan. Oliy liga uchun jamoa tuzishdan oldin istalgan 15 nafar futbolchidan jamoa tuzing va uni saqlang. Oliy ligada 1-tur dedlayniga qadar istalganicha transfer qilish mumkin. SHu bois sotib olgan 15 nafar futbolchini sotib yuborib uning o'rniga yangi 15 nafar futbolchini sotib olish mumkin.

So'ngra profilingizga kiring va fishka sotib olish uchun balansni to'ldiring. Balans to'ldiriganidan so'ng kerakli fishkani ustiga bosib uni xarid qiling. 

Bayern #1: Jamoa tuzishimga ozgina qolganida o'chib ketayapti. Nega bunday?

Javob: Jamoani tuzish uchun telefon emas kompyuter yoki noutbuk tavsiya qilinadi. Telefon orqali transferlar va o'zgarishlarni qilish oson. Jamoa tuzish qiyinroq. SHuning uchun maslahatimiz: jamoani kompyuterda tuzing va keyinchalik turlardan oldin telefon orqali o'zgarishlarni amalga oshiravering.