Eshitdik-da! "Bunyodkor" futbolchisi AGMKga o'tadi

Ortda qolgan mavsumni uchinchi o'rinda yakunlagan AGMK jamoasi ham qishki tatildan qaytgan va Toshkentda yig'inga kirishgan. Avvalroq, jamoani Yovan Jokich va Husniddin G'ofurov kabi futbolchilar tark etishgani haqida xabar bergan edik.

Rasman: Yovan Jokich – “Navbahor” futbolchisi!

Eshitdik-da! Husniddin G'ofurov "Qizilqum"ga o'tmoqda

"Championat.asia" saytiga malum bo'lishicha, "Bunyodkor" klubi va O'zbekiston MTJ azosi Abdulla Abdullaev AGMKga o'tmoqda. Yodingizda bo'lsa, 25 dekabr kuni markaziy himoyachi Abbos Otaxonov olmaliqliklardan "Metallurg"ga qaytayotgani haqida xabar bergan edik. Otaxonovning o'rniga Abdullaev olib kelinishi kutilmoqda.

Eslatib o'tamiz, 24 yoshli futbolchi o'tgan mavsum "Bunyodkor" tarkibida Superligada 26ta o'yinda 2267 daqiqa davomida maydonda harakat qilgan. Yani, chempionatning barcha o'yinida to'p tepgan va "qaldirg'ochlar" safida Superligada eng ko'p daqiqa o'ynagan futbolchi bo'lgan.