Erik ten Xag: "O'tgan mavsumda MYUni birlashtira olgandik"

"Bu erga o'zimning yo'nalishim bilan - to'pni ushlab turish, MYU DNKsini birlashtirish uchun kelgandim. O'tgan mavsumda barchasini birlashtira oldik va juda-juda yaxshi o'yin ko'rsatdik.

Hujumlarni darvozamiz yonidan boshlashni va har o'yinda shunday bo'lishni istaymiz. Biroq "Manchester Siti" kabi pressingni qattiq uyushtiradigan jamoalarga qarshi o'yinda to'pni oldinga tepib yuborish yaxshiroq variant.

Imkoniyatlarga ega bo'lyapmiz, biroq undan foydalanish qiyin bo'lmoqda. Biroq hozir bizda imkoniyatlar cheklangan, bitta tarkib bilan o'ynay olmayapmiz. Himoya to'rtligida futbolchilarning etishmovchiligiga duch kelyapmiz va har bir o'yinda o'zgarishlar qilyapmiz. Bu esa rivojlanishga yo'l bermayapti.

Futbolchilar har bir o'yinga yaxshi kayfiyatda kelishyapti va klubning standartlari qandayligini bilamiz. Bunga har kuni rioya qilishimiz kerak. So'nggi kunlarda ikkita omadsiz o'yin o'tkazdik, biroq bundan chiqib keta olamiz", - dedi ten Xag.