Eldor Suyunov: “Nasaf” klubi barcha futbolchilarni jamoada olib qolmoqchi”

“Dekabr oyining 20-sanasida Qarshida yig'ilgan bo'lsak, barcha jamoalar kabi biz ham jismoniy holatimizga ko'proq etibor berdik. Hozircha jamoada hech qanday o'zgarishlar yo'q.

O'tib borayotgan yilda men uchun hayotda ham, futbolda ham yaxshi va yomon kunlar bo'ldi. Futbolda har doim ham o'ziz istagan narsa ro'y bermas ekan. Bu yil jamoamiz bilan O'zbekiston kubogini o'zimizda saqlab qolishni niyat qilgan edik. Lekin “Lokomotiv” klubi bilan bo'lgan final uchrashuvida mening xatoim tufayli mag'lubiyatga uchradik. Bu tarafdan bu yil omadim kelmadi desam ham bo'ladi. Nasib qilsa yangi 2017 yilda barchasi yaxshi bo'ladi deb niyat qilaman.

Menga nisbatan ayrim klublardan takliflar bor, ular orasida poytaxt jamoalari ham bor. Lekin hozircha hech nima aniq emas. Xorij klublaridan hozircha hech qanday takliflar yo'q. Agarda shunday taklif bo'lsa yaxshi bo'lardi. Xorij klublarida to'p tepish niyatim bor. “Nasaf” klubi murabbiylar shtabi barcha futbolchini tarkibda olib qolmoqchi. Barchasi rahbariyatga bog'liq”, - deydi “Nasaf” posboni Eldor Suyunov.

Jahongir Sotvoldiev