Eldor Sakaev: "Nasaf"ga qarshi o'yin biz uchun foydali bo'ldi"

"O'ylashimcha, o'yin muxlislarga yoqdi. Keskin kurashlar boy uchrashuv bo'ldi. Biz imkon qadar ularga qarshilik ko'rsatishga intildik. "Nasaf"dek jamoa bilan o'yin biz uchun katta tajriba bo'ladi. Bu bahsning bizga foydali taraflari ko'p bo'ldi. "Nasaf" juda kuchli jamoa. Menimcha, ular birinchi davrani peshqadam sifatida yakunlashadi. Bugun imkon qadar yoshlarga o'ynash uchun imkoniyat berdik. Sababiki, ular bu kabi yuqori darajali raqibga qarshi o'ynab chiniqishsin, malakalari oshsin deb ularni maydonga tushirdik. O'yin oldidan futbolchilarga asosiysi o'zlariga ishonch bilan o'ynashlarini takidladim. SHuday chiroyli stadionda, muxlislar qarshisida o'zlarini sinab ko'rishlari kerakligini o'qtirdim. Bu o'yin bizga katta dars bo'ladi. Timur Hakimov? Uning kichik jarohati borligi sabab o'ynatmadik. SHuningdek, Magdeev va Raximovda jarohat mavjud. Birinchi ligadagi bosh maqsadimiz? Har bir o'yinda g'alaba qozonish vazifamiz. SHu vazifadan kelib chiqib bosh maqsad sari odimlaymiz", - deya o'z fikrlarini bildirib o'tdi Eldor Sakaev.