Azizbek Turg'unboev: "Erondan alam oladigan vaqt keldi"

"Jamoamiz bilan yaxshi tayyorgarlik ko'rmoqdamiz, kayfiyat alo darajada. Oldinda Eronni yutib, alam oladigan vaqt keldi. Muxlislarga ajoyib g'alaba taqdim qilmoqchimiz",- deydi Aziz Turg'unboev.

- O'tgan o'yinda gol urdingiz...

- O'tgan o'yin yaxshi bo'ldi. Mashg'ulotlarda ham gol urishga ko'proq etibor qaratgandik. Maqsadimiz ko'proq gol urib, finalga chiqish edi. Gol urdik, g'alaba bilan barchani tabriklayman. 

- "Paxtakor"ga kelganingizda chap qanot himoyachisi sifatida ham harakat qildingiz. Terma jamoada o'ng qanotda o'ynamoqdasiz. Balki Timur Kapadze sizni hujumga qo'yar?

- "Paxtakor"da chapda to'p tepganimni sababi bu qanotdagi futbolchida jarohat bor edi. Menga asosan hujumda yoki yarim himoyada o'ynash qulay. 

- Siz uchun qaysi taktika qulay, orqada 3 nafar himoyachi o'ynaganimi yoki 4 nafar?

- Taktikani murabbiy tanlaydi, 4 talik yoki 3 talikda ham o'yinimiz yaxshi chiqmoqda. 

- Jaloliddin Masharipov yo'q, terma jamoada kayfiyat uchun kim javobgar?

- Jaloliddin Masharipov mashg'ulotdan tashqarida kelib kayfiyat ko'tarib turibdi. Bu erda Shomurodov, Fayzullaev bor. Hammada kayfiyat alo darajada, finalga tayyormiz. 

- Eron bilan oxirgi o'yinlarda ko'p bor durang o'ynamoqdamiz. Ertaga durang bo'lsa, penaltilar seriyasi uchun reja tuzilganmi?

- Albatta, penaltilar seriyasi uchun rejamiz bor. Lekin ularni o'yinda engishga harakat qilamiz.