Edgar Gess: "Qo'qonda ochko olganimizdan xursandmiz"

"Menimcha o'yin qiziqarli kechdi. Qo'qon anchagina kuchli, tartibli jamoa. Jamoaviy o'yin yaxshi chiqdi. Butun 90 daqiqa davomida tomoshabinlar hayajonda o'tirishdi", - deydi Edgar Gess.

"Har bir o'yindan oldin raqibning o'yinlarini ko'rib chiqamiz. Bizda maxsus ishchi guruh bor. Raqiblar haqida malumot to'playmiz. Hozir bizning jamoamiz yangi tuzilmoqda. Tarkibimizda yangi va yosh futbolchilar ko'pchilikni tashkil qiladi".

"Qo'qon-1912" jamoasining kuchli tomoni qanot yarim himoyachilarida. Ular jamoaning hujumlarida katta rol o'ynaydi.

Natijadan qoniqdim. Bugun mavsumdagi ilk ochkoni qo'lga kiritdik. "Andijon" safardagi to'rtinchi bahsni safarda o'tkazdi. Bu juda qiyin. Qo'qonda ochko olganimizdan xursandmiz. Bu erda ko'pchlik jamoalar ochko ololmaydi deb o'ylayman.

"Qo'qon-1912" jamoasi tarkibida Sardor Eminov va Nosir Otaqo'ziev kabi futbolchilar ajralib turishdi. O'z jamoamda esa yakka hujumchi sifatida harakat qilgan Abdumalik Abdullaevning o'yini yoqdi. Lekin butun jamoa bir kuch bo'lib o'ynadi.


Islombek Rustambekov yozib oldi