ECHL. Dastlabki to'rtta guruhda vaziyat qanday?
08 dek 2015 10:54
Yangiliklar

ECHL. Dastlabki to'rtta guruhda vaziyat qanday?

Bugun Evropa chempionlar ligasi guruh bosqichi so'nggi tur o'yinlari boshlanadi.

Dastlabki to'rtta guruhda 6-tur uchrashuvlari bo'lib o'tadi. Biz barcha guruhlardagi vaziyat bilan tanishtirib o'tamiz.

"A" guruhi

"Real" birinchi o'rinni, PSJ ikkinchi o'rinni olib bo'ldi. "Malme" va "SHaxter" so'nggi turda Evropa ligasi yo'llanmasi uchun kurash olib borishadi. Ayni paytda ikkala klub hisobida 3 ochkodan bor. Agar ochkolar teng kelib qolsa dastlab o'zaro o'yinlarga qaraladi. O'zaro o'yinlarda Ukraina klubi ustun.

6-tur
PSJ - "SHaxtyor"
"Real Madrid" - "Malmyo"

#	Jamoa	O'	YU	D	M	T-N	O
1	Real M	5	4	1	0	11-3	13
2	PSJ	5	3	1	1	10-1	10
3	SHaxtyor	5	1	0	4	7-12	3
4	Malme	5	1	0	4	1-13	3

"B" guruhi

Bu guruhda hozircha hech qaysi klub keyingi bosqich masalasini hal qilgani yo'q. Pley-offga chiqish uchun "Volfsburg"ga durang ham etarli, g'alaba nemislarga birinchi o'rinni keltiradi.

MYU bugun g'alaba qozonsa guruhda birinchi bo'ladi. Aks holda Angliya klubi CSKA PSVdan ochko olishini kutadi.

PSV g'alaba qozonsa pley-offga chiqadi. Agar MYU Germaniyada mag'lub bo'lsa Gollandiya klubiga durang ham etarli bo'ladi. Sababi PSV o'zaro o'yinlarda MYUdan ustun. Agar PSV g'alaba qozonsa va narigi o'yin durang bilan tugasa, birinchi o'rin taqdirini to'plar nisbati hal qiladi. PSV va "Volfsburg"ning o'zaro o'yinlari teng.

Agar CSKA Gollandiyada g'alaba qozonsa uchinchi o'rinni egallaydi. Sababi Rossiya klubi PSVni o'zaro o'yinlarda ortda qoldiradi.

6-tur
"Volfsburg" - "Manchester Yunayted"
PSV - CSKA

#	Jamoa	O'	YU	D	M	T-N	O
1	Volfsburg	5	3	0	2	6-4	9
2	Manchester Yunayted	5	2	2	1	5-4	8
3	PSV Eyndxoven	5	2	1	2	6-6	7
4	CSKA	5	1	1	3	4-7	4

"C" guruhi

"Benfika" va "Atletiko" pley-offga chiqib bo'lishgan. "Benfika" bugun durang o'ynasa ham birinchi o'rinni naqd qiladi. "Atletiko" Portugaliyada g'alaba qozonsagina birinchi o'rinni oladi.

"Astana" Turkiyada g'alaba qozona olsa "Galatasaroy"ni to'rtinchi o'ringa tushirib yuboradi.

6-tur
"Galatasaroy" - "Astana"
"Benfika" - "Atletiko"

#	Jamoa	O'	YU	D	M	T-N	O
1	Atletiko	5	3	1	1	9-2	10
2	Benfika	5	3	1	1	9-6	10
3	Galatasaroy	5	1	1	3	5-9	4
4	Astana	5	0	3	2	4-10	3

"D" guruhi

"Yuventus" va "Manchester Siti" keyingi bosqichga chiqib bo'lishgan. "Yuventus" bugun mag'lub bo'lsa va narigi o'yinda "Siti" g'olib bo'lsa turin klubi birinchi bo'lmaydi.

"Sevilya" o'zaro o'yinlarda "Borussiya"dan ustun, shu bois uchinchi o'rinni olishi uchun o'zi g'alaba qozonishi va Menxengladbax klubi g'olib bo'lmasligini kutadi.

6-tur
"Manchester Siti" - "Borussiya M"
"Sevilya" - "Yuventus"