Dragan CHeran: "Yaponiya Osiyo futbolidan o'zib ketgan"

Yaponiya kecha guruh bosqichida musobaqa favoriti sifatida qayd etilgan Germaniyadan ustun keldi. Janubiy Koreya ayni vaqtda Urugvay bilan kuch sinashmoqda. Kechki dasturlardan Braziliya - Serbiya o'yini ham o'rin olgan. Mazkur bellashuvlar yuzasidan Superliganing joriy yilgi to'purari, serbiyalik futbolchi Dragan CHeranning fikrlari bilan qiziqdik. 

- Birinchi tur uchrashuvlari yakuniga etib boryapti. Kuzatgan o'yinlaringizdan qanday taassurotlar qoldi? 

- Musobaqaning ochilish o'yinlari shuni isbotladiki, hozirgi kunda oson jamoa qolmagan. Yomon terma jamoaning o'zi yo'q. CHunki barcha futbol o'ynashni, qanday to'p tepishni o'rganib olgan. 

- Qaysi bahs natijasini kutilmagan sifatida qabul qildingiz?

- Hozircha faqat Argentinaning mag'lubiyati nafaqat men, balki ko'pchilik uchun syurpiriz bo'ldi. 

- Yaponiyaning Germaniyadan uch ochko tortib olishi chindan ham sensaciyami yoki...

- Yapon futbolining oxirgi yillardagi mentaliteti ular Osiyodan o'zib ketganini ko'rsatadi. Saudiya Arabistonida kuchli chempionat bor. Sifatli ijrochilarga ega. Deyarli yarim jamoa birga to'p tepib kelmoqda. U erda haqiqatdan ham futbol rivojlanmoqda. 

- Braziliya - Serbiya uchrashuvida hamyurtlaringizning imkoniyatlarini qanday baholaysiz?

- Bizda juda qiyin guruh bor. Favorit - Braziliya. Menimcha, Kamerun va SHvecariya bilan o'yinlarda imkoniyat qidirib ko'rish kerak. Biroq Serbiyada kuchli futbolchilar, tajribali murabbiy jamlangan. Jarangli nomlar bor. Umid qilamanki, Serbiya guruhdan chiqishni uddalaydi. 

- Musobaqa favoriti kim?

- Kim favorit ekanligi guruh bosqichidan keyingina nisbatan aniq bo'lib ulguradi.