Diyor Mirzaboev: “Bizda moliyaviy muammo yo'q”

“Xabaringiz bor, Pro ligada faqat “Aral Samali” suniy maydonda o'ynaydi. Bugun chiroyli o'yin ko'rsata olmadik, chunki futbolchilarimiz bunday maydonda to'p tepishda qiyinchilikga duch keldi. G'alabaga kelsaam, golli vaziyatlardan unumli foydalandik va yigitlar harakter ko'rsata olishdi. 

Men yaqinda jamoaga keldim. Kubok doirasida bu jamoalar o'rtasidagi bahsni videosini ko'rgandim. Avvalgi “Aral Samali” bilan hozirgisida farq yo'q. Ularga qarshi bellashuvlar doimo qiyin kechadi. Men ilgari ishlagan jamoalarim misolida ham bilaman, bu jamoaga qarshi o'ynash va ochko olish qiyin bo'lib kelgan. 

Internet orqali baribir “Aral Samali” ishtirokidagi o'yinlarni kuzatganman. Jamoada 19-raqamda o'ynaydigan futbolchini kuzatib yuribmiz, u bola menda yaxshi taassurot qoldirdi. Uning kelajagi porloq deya olaman. 

Bizning moliyaviy holatimiz “Andijon” va “Mashal”dan ham aslo ortga qolmaydi. Bir so'z bilan aytganda, moliyaviy muammolar yo'q. Oylik va mukofot pullarini berib borilmoqda. Nukusga ham samolyotda kelib-ketishimizni taminlashdi. Umuman olganda Pro liga sharoitidan kelib chiqib, sharoitlarimiz ko'ngildagidek", - dedi Mirzaboev.