Dinamo Xo'jand bilan o'rtoqlik uchrashuvi o'tkazish uchun Tojikistonga jo'nab ketdi

Xususan, prezidentimiz SHavkat Mirziyoevning mart oyida Dushanbedagi tashriflari doirasida ikki davlat hukumatlari o'rtasida tuzilgan kelishuvlarga muvofiq, Samarqand va Tojikistonning So'g'd viloyati o'rtasidagi yirik biznes forumi va tadbirlar doirasida aprel oyida Samarqandda “Dinamo” – “Xo'jand” (2:2) o'yini ham o'tkazilgandi.

Avgust oyida esa Tojikiston prezidenti Emomali Rahmonning Toshkentdagi rasmiy davlat tashrifi chog'ida hukumatlar o'rtasida imzolangan bitimlar, xususan Samarqand viloyati hokimi Erkinjon Turdimov va Tojikistonning So'g'd viloyati hokimi Rajabboy Ahmadzoda o'rtasida imzolangan kelishuvga muvofiq, 7-9 sentyabr kunlari So'g'd viloyati markazi Xo'jand shahrida So'g'd va Samarqand viloyatlari o'rtasida yirik biznes forumi, samarqandlik tadbirkorlar mahsulotlari ko'rgazmasi, ikki davlat sanatkorlari ishtirokida koncert dasturi va futbol uchrashuvi tashkil etiladi. SHuningdek, Samarqand delegaciyasi 9 sentyabr kuni – Tojikiston Mustaqilligining 27 yillik bayram tadbirlarida ishtirok etadi.

“Dinamo” jamoasi Samarqand viloyati delegatciya bilan birga bugun ertalab Tojikistonga jo'nab ketdi.

“Xo'jand” va “Dinamo” o'rtasidagi o'rtoqlik uchrashuvi 7 sentyabr, soat 17:00da Xo'janddagi markaziy stadionda boshlanadi. Uchrashuvda Samarqand viloyati hokimi Erkinjon Turdimov va Tojikistonning So'g'd viloyati hokimi Rajabboy Ahmadzodalar ishtirok etib, o'yinni rasman boshlab berishlari kutilmoqda.

O'rtoqlik uchrashuvi.
7 sentyabr (juma)
Bosh hakam: Xurshed Dadaboev (Xo'jand)
«XO'JAND» (Tojikiston) – «DINAMO» (O'zbekiston)
O'yin boshlanish vaqti: 17:00.