Diego Simeone: "CHelsi" bilan o'xshashliklarimiz ko'p"

Bizni "CHelsi" bilan o'xshashliklarimiz ko'p. "CHelsi"da ham biz kabi zo'r himoyachilar bor. Har ikkala jamoa tezkorroq hujumkor futbol namoyish etishni yoqtiradi. Londonliklar ham, biz ham standart vaziyatlaridan unumli foydalanamiz. Bu sifatlar bizga chempionatda oltin medallarni qo'lga kiritishimizga yordam beradi.  Biz faqat o'z o'yinimiz haqimizda bosh qotiramiz. Raqiblar haqida emas. Lekin "CHelsi"ni hurmat qilamiz. Bor diqqat etiborimiz faqat shu o'yinga qaratilgan. Boshqa narsalar haqida o'ylaydigan payt emas hozir.
"Atletiko" o'z kuchli tomonlarini ko'rsatib, kuchsiz tomonlarini yashirishiri lozim bu o'yinda. Tibo Kurtua boshqa jamoadoshlari singari katta ishtiyoq va xohish bilan bu bellashuvni kutmoqda. Futbolchilar juda yaxshi tushunib turishibdi, qanchalik muhim o'yin bizni kutib turganini. Bu nafaqat futbolchilar yoki men, balki butun klub uchun ham eng muhim o'yinlardan biri bo'ladi. Bunaqangi o'yinlar oldidan ortiqcha so'zlash shart emas. Bu narsalar faqatgina gazeta va saytlar uchun material hisoblanadi. Asosiysi, o'yinga tayyorgarlik. Men futbolchilarga o'z hissiyotlarini qanday ishlatish kerakligini aytib o'taman. Bu yarim final. SHunday ekan, ertangi bahs juda qiyin kechadi. Bunday uchrashuvlarda kichkinagina xatolar muhim rol o'ynaydi. Qaysi jamoa o'z imkoniyatlaridan ko'proq o'ynay olsa, o'sha jamoa g'olib chiqadi.
Fernando Torres "Atletiko" farzandi. Fernando klub va uning xodimlarini yaxshi ko'radi. O'ylaymanki, o'yingacha va uchrashuvdan keyin Torresni butun stadion olqishlab qo'yadi. U bunga loyiq.