Depay faoliyatini A Seriyada davom etirishga yaqin

"Corriere dello Sport" nashri xabariga ko'ra, 26 yoshli forvard "Lion" bilan hamkorlikni davom ettirmoqchi emas. Uning francuz klubi bilan amaldagi shartnomasi 2021 yilga qadar mo'ljallangan. Jamoa rahbariyati Depay bilan yangi bitim tuzishni uddalay olmasa, hujumchini kelyotgan yozda sotib yuborishga harakat qiladi.

"Lacio" mutasaddilari anchadan buyon Depayni xarid qilish uchun harakat qilib keladi. Niderlandiyalik futbolchining Rimga ko'chib o'tishiga har doim uning transfer qiymati yuqoriligi to'sqinlik qilar edi.

Memfis ayni paytda dekabr oyida orttirib olgan jarohatidan tiklanish jarayonini boshdan o'tkazmoqda. U Franciya chempionatining joriy mavsumida 13 o'yinda maydonga tushib, 9 gol va 3ta samarali uzatmaga mualliflik qilgan. 

Eslatib o'tamiz, "Lacio" Italiya chempionatining ortda qolgan 26 turidan keyin 62 ochko to'plagani holda musobaqa karvonboshisi bo'lib turibdi.