Davron Fayziev: "Raqib kim bo'lishidan qatiy nazar g'alaba uchun maydonga tushamiz"

"Bizda vaziyatlardan foydalanish foizi juda ham tushib ketgan. Bugun ham juda ko'plab vaziyatlar yaratdik, ammo gol urishga kelganida oqsadik. O'zbekistonda Yuriy Sarkisyan va Rustam Mirsodiqovning xissasi juda katta. Biz har bir o'yinga oxirgi jangga tushgandek tushamiz. Raqib kim bo'lishidan qatiy nazar g'alaba uchun o'ynaymiz. "Lokomotiv"dan qabul qilingan yirik mag'lubiyatdan so'ng yigitlar o'ziga kelib olishdi va ikkita uchrashuvda g'olib bo'lishdi. Hozircha maqsadga erishdik deya olmaymiz.

Qisqa tanaffusdan unumli foydalanishga urinamiz. "Metallurg" ketma-ket o'yinlarda yutqazmoqda. SHu bois bugun ularda ham ortga yo'l yo'qligini bilardik.

Birinchi gol urgan jamoa ustunlikka erishardi. O'tgan yilgi tarkibdan 13 nafar futbolchi yo'q. Futbolda kimdir yutadi, kimdir yutqazadi. Ichki imkoniyatlardan kelib chiqqan holda tarkibga yangi futbolchilarni chaqirdik, barchasi moliyaga borib taqaladi. Balki bugun "Metallurg" bizni biroz mensimagandir, buni bilmayman", - deydi Davron Fayziev.