Dani Alves - dunyo rekordchisi!

31 mart kuni parijliklar Franciya liga Kubogi finalida "Monako"ni 3:0 hisobida taslim etishdi. Bu g'alaba PSJning turnirdagi ketma-ket beshinchisi bo'ldi, Dani Alves esa faoliyatidagi 36-jamoaviy sovrinni qo'lga kiritdi.

SHunday qilib, Dani Alves "Manchester Yunayted"ning uelslik yarim himoyachisi Rayan Giggz va "Liverpul" forvardi Kenni Dalglishlardan o'zib ketdi. Bu ikki sobiq futbochilar faoliyatini yakunlaganida 35ta sovrin qo'lga kiritgan edi.

Braziliyalik 7 marta milliy chempionatlarda, (Ispaniya - 6, Italiya - 1), 6 marta milliy kuboklarda (Ispaniya - 5, Italiya - 1), 6 marta milliy Superkuboklarda (Ispaniya - 5, Franciya - 1), Liga Kubogida (Franciya), Nordeste Kubogida (Braziliya), 3 marta CHempionlar ligasida ("Barselona"), ikki marta UEFA Kubogida ("Sevilya"), 4 marta UEFA Superkubogida va 3 marta klublar o'rtasidagi jahon chempionatida g'olib chiqqan.

34 yoshli Alves Braziliya terma jamoasida Amerika Kubogida va ikki bora Konfederaciyalar Kubogida zafar quchdi.

Futbolchi hech bo'lmasa bir o'yinda ishtirok etgan rasmiy turnirlar hisobga olingan.