Coca Cola Superliga. Bugun "Nasaf" Namanganda, "Qizilqum" Olmaliqda mehmon bo'ladi

Coca Cola Superliga. 17-tur
NAVBAHOR – NASAF
26 sentyabr 2020 yil. Namangan. "Markaziy" stadion. 18:00
Hakamlar: Temur To'xtasinov, Anvar Marajabov, Ziyodulla Abdurahmonov, Akmal Rahimov
Nazoratchi: Sardor Najafaliev
Komissar: SHohruh Said

Ushbu klublar hozirga qadar 47 marta o'zaro o'yin o'tkazishgan. 22 bor "Nasaf", 12 bor "Navbahor" g'olib bo'lgan. 13ta uchrashuvda durang qayd etilgan.

"Ajdarlar" o'zaro o'yinlarda 79 marta, "lochinlar" 65 marta gol urishgan. "Nasaf" bu raqibni oltita o'yindan buyon yuta olmayapti - 4ta durang, 2ta mag'lubiyat. So'nggi bor "ajdarlar" 2017 yilgi mavsumda "Navbahor"dan ustun kelishgan edi.

Birinchi davrada Qarshida o'tgan bahsda 2:2 hisobi qayd etilgan edi.

AGMK – QIZILQUM
26 sentyabr 2020 yil. Olmaliq. OKMK stadioni. 18:00
Hakamlar: Rustam Lutfullin, Aleksandr Sidorov, Baxtiyorxo'ja SHavkatov, Davronbek Akmalov
Nazoratchi: Sulton Zaylobiddinov
Komissar: Laziz Qo'chqorov

Bu klublar bugungacha O'zbekiston chempionatida 27 bor to'qnash kelishgan. 12ta uchrashuvda AGMK, 11ta o'yinda "Qizilqum" zafar quchgan. Yana 4ta bahsda tomonlar durang qayd etishgan.

"Qizilqum" oxirgi ikkita o'zaro o'yinda ikki marta AGMKga yutqazgan.

Dastlabki davrada Navoiyda o'tgan uchrashuvda AGMK 1:0 hisobida g'alaba qozongan edi.