CHempionlar taqdirlandi
22 noy 2020 10:10
Yangiliklar

CHempionlar taqdirlandi

Teglar : Namangan 2007

Futbol mahorat maktablari o'rtasida o'tkazilgan “Professional maktablar ligasi”da Namangan viloyat futbol mahorat maktabining 2007 yilda tug'ilgan tarbiyalanuvchilari birinchi o'rinni qo'lga kiritishgandi..

“Navbahor” – “Surxon" jamoalari o'rtasidagi uchrashuvdan so'ng yosh futbolchilarni taqdirlash marosimi o'tkazildi.

Unda Namangan viloyat hokimi SHavkatjon Abdurazzoqov, O'zbekiston milliy terma jamoasi sardori Odil Ahmedov, shuningdek, “Navbahor” PFK rahbariyati, Otabek va Oybek Samatov, ota-onalari, muxlislar ishtirok etishdi.

Taqdirlash marosimida Namangan viloyat hokimi SHavkatjon Abdurazzoqov so'z olib, yosh chempionlarni zafar bilan tabriklab, bundan keyingi musobaqalarda ham viloyatimiz sharafini munosib himoya qilishlarini tiladi.

SHundan so'ng, yosh futbolchilarga medallari hamda “Navbahor” klubi tomonidan taqdim etilgan televizorlarni SHavkatjon Abdurazzoqov, terma jamoamiz sardori Odil Ahmedov, Otabek hamda Oybek Samatovlar topshirishdi.

Jamoa ustozlari - Rahimjon Bozorov va O'tkir Ergashevlar ham taqdirlanishdi.