"Bunyodkor"da suv va elektr energiyasi nomalum muddatga o'chirildi, maysalar quriy boshlayapti
15 avg 2018 12:11
Yangiliklar

"Bunyodkor"da suv va elektr energiyasi nomalum muddatga o'chirildi, maysalar quriy boshlayapti

Teglar : Bunyodkor

Malumotlarimizga ko'ra ikki kun avval "Milliy" (hujjatda hamon "Bunyodkor") stadioni suv va elektr taminotidan uzib qo'yilgan.

Yozning issiq kunida qilingan bu ish oqibatida stadionning bosh maydoni va yana zaxiradagi 4ta tabiiy maydon jiddiy jabr chekayapti. Stadion xodimlarining malum qilishlaricha, qarz 100 mln so'mni tashkil etadi. Bu issiqda 1 kun suv ichmagan maysa jiddiy jabr ko'radi, agar suv va elektr energiyasi masalasi hal bo'lmasa maysalarga keltirilgan zarar qiymati bir necha yuz millionni tashkil etadi.

Suvsiz asosiy va qo'shimcha maydonlar chimini asrash va parvarishlashning imkoni yo'q.

SHu bilan bir qatorda ademiyada istiqomat qilayotgan bolalar jiddiy noqulayliklarga duch kelayapti. Ovqat esa o'choqda pishirilgan. Suv yo'qligi, millat ko'rki bo'lgan stadionning ichki holatini emirilishiga sabab bo'ladi.

Qolaversa, barcha stadionlarda bo'lib o'tayotgan mashg'ulotlardan so'ng echinish xonalarining yopiqligi tufayli atrofdan qo'lansa hidlar tarqalayapti.

Afsuski, O'FA va "Bunyodkor" klubi o'rtasida bo'lib o'tayotgan stadion mash-mashasidan obekt jabr chekmoqda. Buzishdan osoni yo'q, qurish esa juda qiyin!