"Bunyodkor" bir nechta futbolchisi bilan kelishuvni uzaytirdi

"Yangi mavsumga tayyorgarlikni davom ettirayotgan jamoamiz o'tgan mavsum “Bunyodkor” libosida to'p surgan bir qator futbolchilar bilan shartnomani uzaytirdi. Xususan, G'ayrat Azizxo'jaev, Sirojiddin Bashriddinov, Muhammadodil Qahramonov, Muzaffar Olimjonov, tojikistonlik Davronjon Ergashev va qirg'izistonlik Odiljon Abdurahmonov 2022 yilgi mavsumda ham "Bunyodkor" sharafini himoya qiladi. SHuningdek, tarbiyalanuvchimiz, o'tgan mavsumni “Turon” va “Andijon” jamoalari safida o'tkazgan himoyachi Sardorbek Xursandov hamda 2021 yil ikkinchi davrada ijara asosida “qaldirg'ochlar” azosiga aylangan Farhod Mirahmatov ham endi huquqiy jihatdan “Bunyodkor”ga tegishli", – deyiladi klub rasmiy xabarida.