Bundesligadagi dahshatli to'qnashuv

Germaniya grandlari "Bavariya" hamda "Borussiya D" jamoalari o'zaro kuch sinashishadi.

Ushbu  jamoalar o'rtasidagi bahs futbol jamoatchiligining etiborida bo'lishi aniq. Germaniyada "chempionlik-lagani"ni "Bavariya" o'ziniki qilib olgan. "Borussiya D" esa ikkinchi o'rinda qolishni rejalashtirmoqda. Bundesligadagi asosiy masala hal etilgan. Ammo bu ushbu jamoalarning o'yinlarida kim qaysi o'rinni egallab turgani muhim emas. "Bavariya" va "Borussiya D" o'rtasidagi bahslarda asosiysi o'yindagi natija va chiroyli futbol. Har ikkala jamoa uchun ham bu uchrashuv principial ahamiyatga ega. Bugungi bellashuv yanada qiziqroq kechishi aniq. Sababi, aytib o'tganimizdek asosiy masala hal etilgan va jamoalarni chempionatdagi natija bosimi bezovta qilmaydi. Bu ikki super klub bugun faqat va faqat chiroyli va ochiq namoyish etishga urinishi tabiiy. Bu o'yin muxlislar uchun haqiqiy futbol sovg'asi bo'lishi tayin. Yurgen Klopp jamoasi ECHLdan chiqib ketdi. CHempionlikni boy berdi. Klopp shogirdlari faqatgina Germaniya kubogida muvaffaqiyatli ishtirok etishi mumkin. SHu sabablar ham bugun Klopp va uning jamoasiga qo'shimcha motivaciya berishi mumkin.

Endi ular o'z muxlislariga ashaddiy raqib "Bavariya" ustidan qozoniladigan g'alaba bilan xursand etishga qattiq bel bog'lashgan. "Bavariya" esa chempionlikni naqd qilgandan so'ng, bundesligada ketma-ket ikki o'yindirki g'alaba qozona olmayapti. "Xoffenxaym" bilan o'z uyidagi durang va "Augsburg"ga qarshi kechgan bahsdagi mag'lubiyat Myunxenlik muxlislarni ranjitgani tayin. Ularni yana ochko yo'qotishga haqlari yo'q. Ayniqsa azaliy rqibga qarshi o'yinda bu mumkin emas. 

Bu super to'qnashuv haqida yana shuni aytish mumkinki, nemis futbolining zargorona tomoshasi har qanday futbol ishqibozlarini o'ziga rom etib qo'yishi mumkin. O'yinni tomosha qiling va o'zingiz baho bering!

SHuningdek bugun yana bir nechta 30-turdagi o'yinlar bo'lib o'tadi.

Bundesliga, 30-tur.

12-aprel, shanba.

"Bavariya" - "Borussiya D" (21:30 "Sport")

"Alyanc Arena" stadioni.

Hakamlar: Feliks Cvayer, Mark Borsh, Marsel Pelgrim

Taxminiy tarkiblar:

"Bavariya": Noyer, van Buyten, Boateng, Alaba, Rafinya, Lam, SHvaynshtayger, Gyotce, Robben, Riberi, Manjukich.

"Borussiya D": Vaydenfeller, Xummels, Fridrix, Durm, Grosskroyc, Mxitaryan, Roys, Levandovski, Kirx, Pishchek, Obameyang.

"Borussiya M" - "SHtutgart" (18:30)
"Volfsburg" - "Nyurnerg" (18:30)
"Maync" - "Verder" (18:30)
"Gannover" - "Gamburg" (18:30)
"Frayburg" - "Ayntraxt B" (18:30)

13 aprel, yakshanba.

"Bayer" - "Gerta" (18:30)

"Xoffenxaym" - "Augsburg" (20:30)

SHahboz Beg'amov