Bugun futbol. "Bunyodkor" - "Qo'qon-1912"

Turnir jadvalida "Bunyodkor" 3-o'rinda bormoqda va bu jamoaning kuchli oltilikka kirishi hal bo'lgan. "Qo'qon-1912" esa 24 ochko bilan 8-o'rinda boryapti. Qo'qonliklarni oltinchi o'rindagi "Metallurg"dan atigi uch ochko ajratib turibdi, shunday ekan kurash oxirigacha kechadi.

Bugun "Bunyodkor" o'z maydonida 10-bahsini o'tkazadi. Bungacha o'tkazilgan to'qqizta bahsdan 7tasida jamoa zafar quchgan. Bir bor durang o'ynab, bir marta mag'lub bo'lgan. "Bunyodkor" o'z maydonida faqat "Lokomotiv"ga imkoniyatni boy bergan. AGMK bilan esa durang qayd etgan. Uydagi o'yinlarda to'plar nisbati 17-8.

Bilasizmi? "Bunyodkor" o'z maydonidagi oxirgi to'rtta uchrashuvda faqat g'alaba qozondi. "Qaldirg'ochlar" uyda "Navbahor" (2:1), "Qizilqum" (2:0), "Neftchi" (2:1) va "Nasaf" (2:1)dan ustun kelishdi.

"Qo'qon-1912" haqida gapiradigan bo'lsak, bu jamoa safarda shu paytgacha 9ta uchrashuv o'tkazib, faqat bittasida g'alabaga erishgan. No'mon Hasanov shogirdlari 2-turda "Qizilqum"ni mag'lub etib qaytishgan. SHundan keyin bu jamoa to'rt marta durang o'ynadi va shuncha bellashuvda mag'lub bo'ldi. "Qo'qon-1912"ning safardagi to'plar nisbati 5-9.

Fakt: "Qo'qon-1912" safarda qatorasiga oltita o'yindan beri g'alaba qozona olmayapti. SHuningdek, oxirgi ikkita o'yini mag'lubiyat bilan tugagan. "Qo'qon-1912" so'nggi bor safarda "Paxtakor"dan ochko olgan. Jamoa 1:1 hisobini qayd etgan.