Buffon yoshligidan "Borussiya Menxengladbax" muxlisi ekan (qiziq hikoya)

Butun dunyo Bundesliga misolida futbolning qaytishini kuzatmoqda: o'zingizga nemis klublari ichidan eng sevimlisini tanlash uchun qulay fursat. SHoshiling, bo'lmasa La Liga boshlanib, Bundesliga yana nechinchidir planga tushib qoladi. Misol uchun, Janluijji Buffon bu borada chaqqonroq chiqdi. Italiyalik afsona bundan bir necha yil avval Germaniyada Menxengladbaxning "Borussiya"siga befarq emasligini aytib o'tgan.

Masala Jijji uchun qadrdon oq-qora yo'l-yo'l ranglarda ham emas, balki klubning aytish uchun murakkab nomidadir. 

"Men yoshligimdan "Borussiya" muxlisiman. Nega deysizmi? SHunchaki, men hech qachon bu klubning nomini ayta olmasdim. U doim etiborimni tortgan. Bugungi kunda klub nomini to'liq ayta olaman, lekin qanchalik to'g'ri talaffuz qilayotganimni hamon bilmayman", — tan oladi Buffon.

Mana isbot – sevimli nemis klubi sharfi bilan tushilgan surat.

2015 yil "Yuventus" va "Borussiya" CHempionlar Ligasida to'qnash keldi va ikki bor durang qayd etildi. Gladbaxdagi o'yin 1:1, Buffon o'sha kuni chinakam qaxramon bo'lgan: 7ta aniq zarbadan bor yo'g'i 1tasini qaytara olmagan, ko'plab seyvlar amalga oshirgan va muhim pallalarda pand bermagan.

Uchrashuv yakunlangach darvozabon qo'lqoplarini mezbon jamoa muxlislari joylashgan tribunaga otadi: maqsad bitta — "Borussiya" sharfini qo'lga kiritish edi. 

Durangdan ranjigan muxlislar esa Buffonning ushbu klubga befarq emasligini bilishmasdi. Qayd etish lozim, "Borussiya" xatoni juda tez to'g'rilaydi va Buffon "Gladbax" borasida intervyu berishi bilanoq unga klubning maxsus sharfini jo'natadi.

Darvoqe, sharfdagi yozuvlar ham o'ziga xos – "Borussiya"ning xalqaro brendi. Etiborlisi, u ham 2016 yil klub ECHLda qatnashishi natijasida paydo bo'lgan. Uchrashuvlarning birida "Borussiya" "Seltik" mehmoni bo'lgan, Glazgodagi kafelarning biri klub nomini to'g'ri yoza olmay qiynaladi (bu ish, klub nomini to'g'ri aytishdan ham qiyinroq). Nima qilishni bilmagan shotlandlar oddiy qilib "Nemis jamoasi" deb yozib qo'yishadi.

Gladbaxliklar shundan so'ng o'zlarining ingliz tilida yuritiluvchi tvitter-akkauntlari nomini o'zgartirishadi. Buffon kabi klub nomini ayta olmay qiynaladigan ishqibozlar uchun.

Eslatib o'tamiz, kecha qayta boshlangan Bundesliga doirasida "Borussiya Menxengladbax" safarda Frankfurtning "Ayntraxt" jamoasini mag'lub etdi va 3-o'ringa ko'tarilib oldi.

Eintracht Frankfurt Andre Silva - 81'

1. Bundesliga . 26-tur 16/05/2020, 22:30 3 : 1 Tugadi

Borussia Moenchengladbach Alassane Plea - 1', Marcus Thuram - 7', Ramy Bensebaini - 73'

Stadion: Commerzbank Arena, 0 tomoshabin

Bosh hakam: Felix Zwayer

45'

90'

24'  Filip Kostic

36'  Evan N'Dicka

46'  Djibril Sow (Andre Silva)

59'  Andre Silva

70'  Stefan Ilsanker

74'  Stefan Ilsanker (Timothy Chandler)

74'  David Abraham (Makoto Hasebe)

78'  Daichi Kamada (Mijat Gacinovic)

81'  Andre Silva

81'  Sebastian Rode

83'  Evan N'Dicka (Dominik Kohr)

89'  Dominik Kohr

1'  Alassane Plea

1'  Jonas Hofmann

7'  Marcus Thuram

7'  Ramy Bensebaini

9'  Nico Elvedi

66'  Marcus Thuram (Patrick Herrmann)

73'  Ramy Bensebaini

78'  Ramy Bensebaini (Oscar Wendt)

78'  Breel Embolo (Lars Stindl)

90'  Alassane Plea (Tony Jantschke)

90'  Florian Neuhaus (Laszlo Benes)

Match-senterda ochish

Omonjon To'xtamirzaev tarjimasi