Bu yil ham yilning eng yaxshi futbolchi va murabbiyi aniqlanmaydi-mi?

2017 yil PFL faqatgina o'z ligasi yaxshilarini aniqladi. Natijada OAV tomonidan aniqlab kelinadigan sovrin egasiz qoldi.

2018 yil yakunlariga ko'ra 14 dekabr kuni PFL o'z yaxshilarini aniqlaydi. O'FA yilning eng yaxshi futbolchi va murabbiyini bu yil aniqlaydimi? Bunga aniqlik kiritish maqsadida O'FA matbuot xizmatiga murojaat qildik. Ular bizga 14 dekabr sanasida o'tkaziladigan tadbir ham O'FA, ham PFL uchun bitta bo'lishini malum qilishdi.

Malumot uchun, 14 dekabrda bo'lib o'tadigan tadbirda O'zbekiston chempionati (Superliga)ning eng yaxshilari taqdirlanishi haqida PFL rasmiy sayti xabar bergan edi. Bundan ko'rinib turibdi-ki, bu yil ham O'zbekistonning eng yaxshi futbolchisi va murabbiyi aniqlanmaydi.

Umid qilamizki, O'FA bu muammoni tezkorlik bilan bartaraf etadi va eng yaxshilarni aniqlashni tashkilot emas, OAV ixtiyoriga topshiradi. 14 dekabrda bo'lmasa-da, statistika uchun yil so'nggiga qadar bu ishni O'FA matbuot xizmati amalga oshiradi. PFL esa o'zining yaxshilarini aniqlab 14 dekabr kuni topshiraveradi.

Yilning eng yaxshisi bo'lish uchun O'zbekistonda faoliyat yuritmayotgan futbolchilar ham haqli. Undan tashqari, Superliga murabbiyi bo'lmagan mutaxassislarga ham imkoniyat berish kerak.