Bonuchchi diskvalifikaciya qilinishi mumkin

Hodisa Italiya superkubogi uchun kechgan o'yin oxirida futbolchining "Inter" kotibi Kristiano Mocciloni turtib yuborganidan keyin sodir bo'ldi.

Manbaning xabariga ko'ra, Bonuchchiga Aleksis Sanchesning bahs so'nggida urgan goli uchun Mocciloning nishonlashi unchalik yoqmagan.

Himoyachi "Mening ko'z o'ngimda nishonlama, nima qilyapsan? Men seni o'ldiraman!", deya baqirgan.

Endi bu voqea tartib-intizom komissiyasi tomonidan ko'rib chiqilsa, Leonardo Bonuchchi diskvalifikaciya qilinishi mumkin.

Eslatib o'tamiz, qo'shimcha bo'limning ikkinchi bo'limida Aleksis Sanches "Inter"ga g'alaba keltirgan golga mualliflik qildi.