Bilasizmi? "Lokomotiv" o'z maydonidagi 42ta mag'lubiyatsiz o'yindan so'ng yana "Paxtakor"ga mag'lub bo'ldi
22 sen 2017 12:25
Yangiliklar
Bilasizmi? "Lokomotiv" o'z maydonidagi 42ta mag'lubiyatsiz o'yindan so'ng yana "Paxtakor"ga mag'lub bo'ldi
Statistikaga etibor beradigan bo'lsak, "Lokomotiv" so'nggi bor 2014 yil oliy liganing 20-turida o'z maydonida yutqazgan ekan. O'shanda ham "temiryo'lchilar"ni "Paxtakor" yutib ketgan. O'yindagi hisob "Paxtakor" foydasiga 3:1 bo'lgandi.
O'sha yili "Lokomotiv" "Paxtakor"dan keyin yana ikkita uchrashuvni o'z maydonida o'tkazib, "Dinamo" va "Neftchi"dan ustun kelgan. 2015 yil "Loko" o'z maydonida yutqazmagan - 13 g'alaba, ikki durang. 2016 yilgi chempionatda ham xuddi shunday natija bo'lgan, yana 13 g'alaba va ikki durang.
Bu mavsum esa "Lokomotiv" bungacha 10ta uchrashuvni o'z maydonida o'tkazib, shundan to'qqiztasida g'alabaga erishib, bir bor durang o'ynagandi. Uydagi 11-o'yin "Loko" uchun omadsiz yakunlandi, jamoa ashaddiy raqibi "Paxtakor"ga imkoniyatni boy berib qo'ydi.
Raqamlarni umumiy hisobda hisoblaydigan bo'lsak, "Lokomotiv" 2014 yil o'z uyida "Paxtakor"ga imkoniyatni boy berganidan beri oliy ligada ketma-ket 42ta uchrashuvdan beri yutqazmay kelayotgandi. Buni qarangki, "temiryo'lchilar"ning mag'lubiyatsiz seriyasiga yana "Paxtakor" chek qo'ydi.
Fikrlar